Яңа китап чыкты

Фәнә Минһаҗева гәзит укучыларга тирән мәгънәле шигырьләре белән яхшы таныш. Аның 2014 елда «Яратам сине тормыш» дигән шигырьләр җыентыгы басылып чыккан иде. Быел исә туган ягының тарихына багышланган яңа басмасы дөнья күрде. Китапта Татар Мәнәвезе авылының барлыкка килү тарихы галимнәрнең  хезмәтләренә һәм архив материалларына нигезләнеп, эзмә- эзлекле исбатлана.

 Китапта авылның соцаль- мәдәни үсеш тарихы һәрьяклы характерлана. Җыеп әйткәндә, автор максатына ирешкән,киләсе буыннарга ата- бабаларының чал тарихын ачып биргән. Китапның ахырында: “Һәркем үз тамырын өйрәнеп, кан- кардәшләре белән очрашып, бер-беренә ярдәм итеп яшәсә, дөнья тагы да матуррак булыр иде!-“ дип мөрәҗәгать итә ул якташларына.

«Җиңү йөзләре»: Илеш ветераннарына фотокитаплар тапшырылды

Башкортстанда «Җиңү волонтерлары» хәрәкәте активистлары республика ярдәме белән Русиядә яшәүче Бөек Ватан сугышы ветераннары исемнәрен мәңгеләштерү максатыннан «Җиңү йөзләре» дигән китапның өченчесен бастырды.

Безнең Илеш волонтерлары да әлеге проектка актив кушылып, фронтовиклар белән сугыш елларын искә алу кичәләрен үткәрде, аларның хәрби юлларын барлады, портрет фотографияләрен эшләде.

«Җиңү йөзләре» китабына Бөек Ватан сугышында катнашып, хәрби наградалар алган  85, шул исәптән Илеш районыннан 3 ветеран кергән. Менә алар: Югары Яркәйдән Мәгърүф Карипов (1923 елгы), Фәһим Гафаров (1923) һәм Андреевкадан Миңнулла Сәһабиев (1921).

Проект волонтерлары тарафыннан тупланган мәгълүматлар РФ оборона министрлыгының  Үзәк архивы докуменларының электрон банкы аша тикшерелә. Арытаба әзер материаллар китапта туплана башлый.

Әлеге проект РФ Президентының хокуклы вәкиле Аппараты, гражданлык инициативаларын яклау Фонды, БР Яшьләр сәясәте һәм спорт министрлыгы ярдәмнәре белән тормышка ашырыла.

Проект кысаларында муниципаль район хакимиятенең физик культура, спорт һәм туризм буенча комитет рәисе Иршат Фәсхиев һәм волонтерлар ветераннар М.Кариповның һәм Ф.Гафаровның йортына барып, истәлекле китапларны тапшырды. “Бу китаплар – махсус сезнең өчен чыгарылган уникаль басмалар. Шушылай, кадерле ветераннар, сезнең хатирәләрегез мәңгеләштерелә”, – диде И.Фәсхиев очрашу вакытында.  Яугирләр, үз чиратында,  әлеге кадерле бүләк өчен рәхмәт сүзләре җиткерде, бар дөньяга тынычлык теләде.


Ураза гаете үтте

24 июнь көнне бөтен мөселман дөньясы Ураза гаетен бәйрәм итте.  Гает – Аллаһыны искә төшерү, аның бәндәләренә булган нигъмәтләрен күрсәтү, бар нигъмәтләр өчен шөкер итү көне. Гает намазын укырга район үзәгененең «Тәүбә» мәчетенә  халык бик күп килгән иде. Ир-атлар, хатын-кызлар белән бергә төрле яшьтәге балаларның күп булуы бигрәк тә сөендерде. Димәк, иман нуры киңрәк тарала бара.

 Аллаһ йортына килгән мөселманнар бергәләп Гает намазын укыды. Илеш һәм Бакалы районнарының имам-ахунды Рөстәм хәзрәт Абушахмин вәгазь сөйләп, изгелеккә, мәрхәмәтлелеккә чакырды, күңелләребезне сафландырды.

 -Изге Рамазан ае тәмамланды. Аллаһының рәхмәте белән тән саулыгына, җан пакълыгына омтылдык. Раббыбыз Аллаһның безгә биргән җәй айлары, сәламәтлекләр алып килеп, безне иркәли.  Әлхәмдүлилләһи шөкер, быел да Аллаһы каршындагы бурычларыбызны үтәргә бернинди киртәләр дә комачауламады.  Тоткан уразаларыбыз, кылган изгелекләребез кабул булсын. Рамазан ае буе мәчетләребез ишекләре һәркемгә дә ачык булды. Киләчәктә дә игелекле гамәлләрне күбрәк кылырга, алдагы гаетләрне дә бергә сау-сәламәт каршыларга насыйп булсын. Ураза гаете һәр йортка, гаиләгә бәхет, шатлык, иминлек, муллык, тынычлык алып килсен. Районыбызда район житәкчеләре, оешмалар, эшкуарлар ярдәме белән мәчетләр төзелә, азаннар яңгырый. Иншаллаһ, Ватанга бәрәкәт иңәр, игеннәр уңар, дөньяларыбыз тыныч булыр. Иман белән яшик, илебезнең  байлыгын, муллыгын арттырыйк, көнебезне хезмәттә үткәрик, - диде ул.

 Чарада муниципаль район хакимияте башлыгы урынбасары Рәмил Хәертдинов, Яркәй авыл советы авыл биләмәсе башлыгы Рөстәм Әхмадиев катнашып,  илешлеләрне бәйрәм белән котлады һәм ихлас теләкләрен җиткерде. Вәгазь тыңлаганнан соң, һәр кеше күтәренке күңел белән өйләренә, бәйрәм табыннарына таралышты.  


Результаты мониторинга предпринимательского климата в муниципальных образованиях республики за 2016 год

13 Июня 2017

Республика Башкортостан два года подряд по показателям Национального рейтинга состояния инвестиционного климата в субъектах Российской Федерации существенно улучшает свои позиции. Так, по итогам 2015 года республика сделала прорывной скачок с 40-го на 20-е место, а по итогам 2016 года еще поднялась на 7 позиций и заняла 13-е место.

Учитывая, что в Национальном рейтинге блок показателей развития предпринимательства достаточно весомый, в 2015 году было принято решение проводить оценку данного раздела с помощью нового инструмента, разработанного Госкомитетом РБ по предпринимательству и туризму – «Мониторинга предпринимательского климата и формирования рейтинга состояния предпринимательского климата в муниципальных образованиях республики», так как от состояния предпринимательского климата в муниципалитетах зависит в целом развитие малого бизнеса в республике.


Подробнее...

Котлыйбыз!

Күпьеллык намуслы хезмәтләре өчен муниципаль район хакимиятенең Почет грамотасына лаек булды:

Рәзинә Әбелмалих кызы Арсланова  - Ишкардагы инвалидларны һәм өлкән яшьтәге гражданнарны социаль хезмәтләндерү бүлеге повары;

Рөстәм Зөфәр улы Нәгыймов -  Ишкардагы инвалидларны һәм өлкән яшьтәге гражданнарны социаль хезмәтләндерү бүлеге каравылчысы.


Страница 1 из 320