Матбуғат-2017

2017 йылдың икенсе ярты йыллығы өсөн татар, урыҫ телдәрендә район баҫмаһына яҙылыу башланды.

Почта элемтәһе бүлексәһе аша ярты йылға яҙылыу хаҡы - 956 һум 22 тин. Район үҙәгендә, шулай уҡ ауылдарҙа йәшәүселәргә редакцияға инеп тә яҙылырға мөмкин.

Рәсәй матбуғатының алтын фондына индерелгән «Маяҡ» - район халҡы өсөн! Уға яҙылырға ашығығыҙ! Индекстарыбыҙ – 58959 (татарса), 50754 (урыҫса).


Республика парламенты спикеры Рәсәй форумында ҡатнаша

Президент Владимир Путин бөгөн Рәсәйҙең Закондар сығарыу органдары ултырышында ҡатнаша. Форум Санкт-Петербургта үтә. Унда сауҙа эшмәкәрлеге, импортҡа алмаш программаһы үтәлеше, федераль һәм төбәк кимәлдәрендә парламент контроле кеүек мәсьәләләр тикшерелә. Кәңәшмәлә Башҡортостан парламенты спикеры Константин Толкачев ҡатнаша. Дәүләт Йыйылышы - Ҡоролтай рәйесе коррупцияға ҡаршы көрәш өлкәһендә ҡанундарҙы камиллаштырыу темаһы буйынса сығыш яһай.


Сәсеү – 2017

Игенсе өсөн йәнә мәшәҡәтле осор етте. Улар алдында яҙғы ҡыр эштәрен йыл һайын иртәрәк башлап, уны ҡыҫҡа ваҡыт эсендә, юғары сифатлы итеп башҡарыу бурысы тора. Әйтергә кәрәк, һауа торошоноң тотороҡһоҙ булыуына ҡарамаҫтан, ауыл эшсәндәре һәр сәғәтте һөҙөмтәле файҙаланырға тырыша. Бөгөнгө көндә «Урожай» ширҡәтендә,  М.Горький ис., Куйбышев ис. кооперативтарҙа, «Урал» йәмғиәтендә күп йыллыҡ үләндәр, ҡышҡы культуралар  туҡландырыла; Куйбышев ис., «Урал», «Урожай» хужалыҡтары, «Үҙәк МТС» ДУАХП-һының Илеш филиалы тырматыуға төштө. 


Муниципаль район хакимиәтендә

Күптән түгел муниципаль район хакимиәтендә киң коммуникациялар, мәғлүмәти технологиялар һәм элемтә өлкәһендә күҙәтселек итеү буйынса Федераль службаның Башҡортостан Республикаһы буйынса идаралыҡ вәкилдәре шәхси мәғлүмәттәрҙе яҡлау мәсьәләләре буйынса семинар үткәрҙе. Унда муниципаль хеҙмәткәрҙәр, мәғлүмәттәрҙе яҡлауға, муниципаль һәм дәүләт учреждениеларының, сәнәғәт предприятиеларының һәм төҙөлөш компанияларының, ресурстар менән тәьмин итеүсе, торлаҡ-коммуналь хужалығы өлкәһендә, шулай уҡ граждандарға хеҙмәттәр күрһәтеүсе (БТИ, медицина, мәғариф һ.б.) ойошмаларҙың шәхси мәғлүмәттәрен эшкәртеүҙе ойоштороуға яуаплы вазифалы шәхестәр ҡатнашты. 


Балыҡ тотоуға сикләүҙәр индерелде

15 апрелдән 15 июнгә тиклем Башҡортостанда – сәнәғәт, 1 майҙан 10 июнгә тиклем һәүәҫкәр һәм спорт балыҡсылығына сикләүҙәр индерелде. Йәтмә, йылым, селтәр һ.б ҡоролмалар менән, көймәнән - балыҡ тотоу, шулай уҡ бәләкәй моторлы көймәләрҙә йылға үҙәне, күлдәр буйынса йөрөү тыйыла.

Һәүәҫкәр балыҡсыларға бер ҡалҡыуыслы йәиһә һыу төбө ҡармағы менән ярҙан тороп балыҡ тотоу рөхсәт ителә. Шул уҡ ваҡытта ҡармаҡтың ырғағы икенән артырға тейеш түгел. Бынан тыш, спиннингтарҙы файҙаланыу ҙа тыйыла. Был балыҡтар ыуылдыҡ сәскән осорҙа уңайлы шарттар тыуҙырыу һәм һыулыҡтарҙа балыҡ запасын тулыландырыу маҡсатында эшләнә.


Страница 1 из 308